आदिवासी आश्रमशाळेतील विद्यार्थांच्या वस्तूसाठी पैसे बँक खात्यात देणेबाबत

शासनाद्वारे थेट लाभ हस्तांतरण प्रक्रियेवर भर देण्याच्या धोरणास अनुसरून नियोजन विभागाने नमूद केलेल्या वस्तूंची खरेदी करून पुरवठा न करता थेट निधी लाभार्थ्याना देण्याचे धोरण निश्चित केले आहे. त्यास अनुसरून  आश्रमशाळेतील विद्यार्थांना काही वस्तू थेट निधी बँक खात्यात देण्याचा निर्णय घेण्यात आला आहे.

शासकीय आश्रमशाळेतील विद्यार्थांना यापुढे शासनामार्फत खालील वस्तू खरेदी करून उपलब्ध करून न देता त्याएवजी थेट अनुदान विद्यार्थी/पालक यांच्या आधार संलग्न बँक खात्यामध्ये जमा करण्यात येईल. त्या अनुषंगाने सर्व विद्यार्थांचे / पालकांचे बँक खाते उघडून त्यास आधार क्रमांक संलग्न करण्यात यावा.

थेट लाभ द्यावयाच्या वस्तू

1. रेनकोट/छत्री 
2. नाईट ड्रेस
3. वुलन स्वेटर (तीन वर्षातून एकदा) 
4. अंडर ग्रारमेंट 
5. सॅण्डल/स्लिपर / बूट व पायमोजे 
6. कंगवा 
7. नेल कटर 
8. आंघोळीचा साबण 
9. कपडे धुण्याचा साबण / डीटर्जंट पावडर 
10. खोबरेल तेल 
11. टूथपेस्ट व टूथब्रश 
12. सॅनेटरी नॅपकीन  
13. मुलींसाठी रिबन टॉवेल 
14. गणवेश पी.टी ड्रेस 
15. पी.टी. शूज व सॉक्स 
16. अभ्यासक्रमावर आधारित सर्व प्रकारचे शालेय साहित्य, शालेय स्टेशनरी व लेखन सामुग्री, सराव प्रश्नसंच

विद्यार्थांस वस्तुंऐवजी थेट लाभ देतांना अनुसरावयाची कार्यपद्धती :

आयुत, आदिवासी विकास प्रत्येक शेक्षणिक वर्षासाठी वर्गनिहाय विद्यार्थांना खरेदी करावयाच्या वस्तूंचे परिमाण व संख्या निश्चित करून वस्तुनिहाय खरेदी किमत निश्चित करतील. खरेदी किमंत निश्चित करताना त्या वस्तूच्या निश्चित परिमाणानुसार बाजारात उपलब्ध असलेल्या ब्रंन्डेड वस्तूच्या किरकोळ विक्री किमतीचा (MRP) आधार घेवून त्यानुसार वस्तूची किमत निश्चित करावी. विद्यार्थांना देय रक्कम दि. १ जून ते १० जूनदरम्यान विद्यार्थांच्या / पालकांच्या खात्यात रक्कम जमा करण्यात येईल. तसेच विद्यार्थ्यांना विद्यार्थी उन्हाळ्याच्यासुटीवर जाताना विद्यार्थांना वर्ग निहाय कोणत्या वस्तूंसाठी रक्कम मिळाली आहे त्यावस्तुंचे परिणाम व संख्या यांची यादी विद्यार्थी व पालकांना मुख्याध्यापकाकडून उपलब्ध करून देण्यात येईल.    

अधिकृत परिपत्रक डाऊनलोड करण्यासाठी खालील लिंकचा वापर करावा

https://drive.google.com/file/d/1qBwJ6BobRLDHM167AYV8UwnLY6H0_S2B/view?usp=sharing