महसुली कर व करेतर रक्कम भरण्यासाठी ‘ग्रास महाकोष’ मोबाईल ॲपची निर्मिती | Creation of 'Grass Mahakosh' mobile app for paying revenue tax and non-tax amount
महसुली कर व करेतर रक्कम भरणा करण्याची सुविधा देणाऱ्या ग्रास महाकोष (gras mahakosh Maharashtra) या अँड्रॉइड मोबाईल ॲपची निर्मिती महाराष्ट्र राज्याच्या लेखा व कोषागरे संचालनालयाने केली असून या ॲप्लिकेशनचे उद्घाटन वित्त विभागाचे अपर मुख्य सचिव मनोज सौनिक यांच्या हस्ते नुकतेच झाले.
हे ॲप GRAS वेबसाईट व गुगल प्ले स्टोअरवर उपलब्ध आहे. राष्ट्रीय सूचना विज्ञान केंद्राने या ॲप्लिकेशनची निर्मिती केली असून एनआयसीचे तज्ञ अधिकारी बालकृष्ण नायर व त्यांचे सहयोगी विशाल नळदुर्गकर यांचा हे ॲप विकसित करण्यात मोलाचा वाटा आहे.
महाराष्ट्रातील कोणत्याही जिल्ह्यातील कोणत्याही विभागाशी संबंधित करदाते, इतर संस्था, शासकीय कार्यालये तसेच सर्वसामान्य नागरिक देखील २४X७ या ‘ग्रास’ ॲपचा वापर करुन शासनाच्या खात्यात रक्कम जमा करू शकतात. देयकांचे आदान-प्रदान, कर व करेतर रकमा व इतर बहुतांशी कामकाज ऑनलाईन पद्धतीने करण्यात येत असलेल्या लेखा व कोषागरे संचालनालयामध्ये ग्रास (GRAS) मोबाईल ॲपचे विकसन हा महत्त्वपूर्ण टप्पा आहे.
Click Here to Download GRAS App
शासकीय जमा लेखांकन पध्दती-ग्रास बाबत माहिती.
ई पेमेंट व पेमेंट गेट वे चा वापर करून शासकीय जमा रकमांचे लेखांकन, ताळमेळ व व्यवस्थापन करण्यासाठी आभासी कोषागार कार्यालयाची स्थापना करण्यात आली आहे. सदर कोषागार हे सन 2008 पासून कार्यरत असून विद्यमान “ग्रास” प्रणाली माहे जून 2010 मध्ये कार्यान्वयीत करण्यात आली आहे. सदर प्रणालीमुळे अदाकर्त्यास / करदात्यास घरी बसून ई-चलनाद्वारे कराची रक्कम 24 X 7 या तत्वावर भरण्याची सुविधा उपलब्ध आहे. या प्रणालीद्वारे शासनाच्या सर्व विभागांद्वारे वसूल करण्यात येणाऱ्या महसुली जमा रकमा ई-पेमेंट व पेमेंट गेट वे चा वापर करून परस्पर शासन खजिन्यात शीघ्रतेने जमा करता येणे शक्य झाले आहे.संकेतस्थळ नवीन निवृत्ती वेतनधारकांना तातडीने पर्मनंट रिटायरमेंट अकाउंट नंबर (PRAN) व PRAN कार्ड ऑनलाईन मिळण्याकरिता ONLINE PRAN GENERATION MODULE (OPGM) हे सेवार्थ प्रणालीसोबत संलग्न करण्यात आले. सर्व शासकीय तसेच निमशासकीय कार्यालयातील विभाग प्रमुख, कार्यालय प्रमुख, नियंत्रक अधिकारी तथा आहरण व संवितरण अधिकारी यांना तसेच सर्व अधिकारी व कर्मचारी यांना सातव्या वेतन आयोगानुसार वेतन निश्चिती करण्यासाठी उपयुक्त ठरेल असे वेतन पडताळणी मार्गदर्शिका पुस्तक यावेळी प्रकाशित करण्यात आले.
या व्यतिरिक्त अधिदान व लेखा कार्यालय, मुंबई तसेच कोषागार व उपकोषागार कार्यालयाकडून देयकांना लावण्यात येणाऱ्या महत्त्वाच्या आक्षेपांची माहिती करून घेऊन आक्षेप लागू नयेत याबाबतची परिपूर्ण व अद्ययावत माहिती देणारे देयक वेळीच कशी पारित होतील? याबाबत मार्गदर्शक ठरेल, असे पुस्तकही प्रकाशित करण्यात आले. ही पुस्तके PDF स्वरुपात संचालनालयाच्या “महाकोष” या संकेतस्थळावर उपलब्ध करुन देण्यात आलेली आहेत.
ग्रास बाबत काही शंका व अडचणी असल्यास कृपया खालील ईमेल वर संपर्क साधा
यावेळी प्रधान सचिव (ले व को) श्री. नितीन गद्रे, प्रधान सचिव (वित्तीय सुधारणा) श्री. राजगोपाल देवरा व सचिव (व्यय) श्री. राजीव मित्तल, लेखा व कोषागरे संचालक श्री.ज.र.मेनन, सहसंचालक श्री.जि.रा.इंगळे, उपसंचालक श्री.विनोद शिंगटे, सहायक संचालक श्रीमती प्रगती धनावडे व श्रीमती चित्रलेखा खातू उपस्थित होते.
लेखा व कोषागरे संचालक श्री.ज.र.मेनन यांनी सर्व नागरिकांनी सर्व प्रकारच्या कर व करेतर रकमा जमा करण्यासाठी gras mahakosh Maharashtra या मोबाईल ॲपचा तसेच इतर सर्व सुविधांचा जरूर लाभ घ्यावा, असे आवाहन केले आहे.
टिप्पण्या