माननीय उपमुख्यमंत्री वित्त श्री अजित पवार यांनी सोमवार दिनांक ८ मार्च २०१९ रोजी केलेल्या अर्थसंकल्पीय भाषणातील ठळक वैशिष्ट्ये
- आरोग्य संस्थांचे बांधकाम व संवर्धनासाठी ७५०० कोटी रुपये किमतीचा प्रकल्प येत्या चार वर्षात पूर्ण करण्यात येईल.
- महानगरपालिका, नगर परिषदा, नगर पंचायती मध्ये दर्जेदार आरोग्य सेवांसाठी येत्या पाच वर्षात पाच हजार कोटी रुपये उपलब्ध करून देणार, त्यापैकी ८०० कोटी रुपये या वर्षी.
- कर्करोगाच्या निदानासाठी राज्यात १५० रुग्णालयांमध्ये सुविधा
- सिंधुदुर्ग, उस्मानाबाद, नाशिक, रायगड आणि सातारा येथे नवीन शासकीय वैद्यकीय महाविद्यालय अमरावती व परभणी येथे वैद्यकीय महाविद्यालय स्थापन करण्यात येणार
- ३ लाख रुपये मर्यादेपर्यंत पीक कर्ज घेणाऱ्या व त्याची वेळेवर परतफेड करणाऱ्या शेतकऱ्यांना शून्य टक्के व्याजाने कर्ज पुरवठा
- कृषी उत्पन्न बाजार समित्यांचे बळकटीकरण करण्यासाठी दोन हजार कोटी रुपयांची योजना
- प्रत्येक तालुक्यात किमान एक याप्रमाणे ५०० नवीन पुण्यश्लोक आहिल्यादेवी होळकर भाजीपाला रोपवाटिका स्थापन करणार
- राज्यातील चारही कृषी विद्यापीठांना संशोधनासाठी येत्या तीन वर्षात ६०० कोटी रुपये निधी उपलब्ध करून देणार
- शरद पवार ग्रामसमृद्धी योजनेअंतर्गत लाभार्थींना गाय किंवा म्हशीचा गोठा बांधण्यासाठी, शेळीपालन कुक्कुट पालनाची शेड बांधण्यासाठी तसेच कंपोस्टिंग करता अनुदान
- नांदेड ते जालना २०० किलोमीटर लांबीचा द्रुतगती जोड महामार्गाचे नवीन काम हाती घेणार
- पुणे शहराच्या बाहेरून चक्राकार मार्गाची रिंग रोड उभारणी १७० किलोमीटर लांबी
- राज्य परिवहन महामंडळाच्या जुन्या बसेसचे सीएनजी व विद्युत् बसेसमध्ये रूपांतरण
- बस स्थानकांचे आधुनिकीकरण यासाठी १४०० कोटी रुपयांचा नियतव्यय प्रस्तावित
- प्रधानमंत्री आवास योजना, रमाई घरकुल योजना, घरकुल योजनांसाठी ६ हजार ८२९ कोटी ५२ लाख रुपये उपलब्ध करून देण्यात येतील
- शासकीय व जिल्हा परिषद शाळांच्या जीर्ण अवस्थेतील इमारतींची पुनर्बांधणी व दुरुस्ती करण्याकरता तीन हजार कोटी रुपयांचा आराखडा
- ग्रामपंचायतींमध्ये शिवराज्य सुंदर ग्राम अभियान राबविण्यात येणार उत्कृष्ट कार्य करणार्या ग्रामपंचायतींना पुरस्कार
- हिंदुहृद्य सम्राट स्वर्गीय बाळासाहेब ठाकरे यांच्या स्मारकासाठी ४०० कोटी रुपये खर्चास मान्यता
- मुख्यमंत्री रोजगार निर्मिती कार्यक्रम योजनेचे उद्दिष्ट वाढून यावर्षी २५००० उद्योग घटकांना मदत करण्याचे उद्दिष्ट
- एक जिल्हा एक उत्पादन योजनेअंतर्गत स्थानिक कारागीर, मजूर व कामगारांना कौशल्य वर्धनासाठी सहाय्य करून त्यांच्या उत्पादनांसाठी राज्यस्तरीय, राष्ट्रीय व आंतरराष्ट्रीय बाजारपेठ उपलब्ध करून देणार
- नागपुर-मुंबई समृद्धी महामार्ग, पुणे-मुंबई द्रुतगती महामार्ग, मुंबई-नाशिक महामार्गावर मेघा इलेक्ट्रिकल चार्जिंग सेंटर स्थापन करण्यात येणार
- राजमाता जिजाऊ स्वामिनी योजनेअंतर्गत गृहखरेदी ची नोंदणी कुटुंबातील महिलेच्या नावावर झाल्यास मुद्रांक शुल्काच्या प्रचलित दरामध्ये सवलत
- ग्रामीण विद्यार्थिनींना गावापासून शाळेपर्यंत राज्य परिवहन मंडळाच्या बसेसने मोफत प्रवासाची सोय उपलब्ध करून देणारी राज्यव्यापी क्रांतीज्योती सावित्रीबाई फुले योजना
- शासनाकडून राज्य परिवहन महामंडळासाठी पर्यावरणपूरक १५०० सीएनजी व हायब्रीड बस उपलब्ध करून देणार
- मोठ्या शहरातील महिलांना प्रवासासाठी तेजस्विनी योजनेत आणखी विशेष महिला बस उपलब्ध करून देणार
- पुण्यातील साखर संकुलात सुमारे ४० कोटी रुपये खर्चून साखर संग्रहालय उभारण्याचे प्रस्तावित
- अनुसूचित जाती व नवबौद्ध घटकातील विद्यार्थ्यांसाठी प्रत्येक जिल्ह्यातील एका शासकीय निवासी शाळेमध्ये पथदर्शी तत्वावर इ. सहावीपासून सीबीएससी अभ्यासक्रम सुरू करण्यात येणार
- दिव्यांग व्यक्तींच्या गरजा ओळखून त्यांना मदत होईल असे वेब अप्लिकेशन तयार करण्यात येणार
- तृतीयपंथी घटकातील लाभार्थ्यांसाठी बीज भांडवल योजना सुरू करण्यात येणार
- स्वर्गीय गोपीनाथ मुंडे ऊसतोड कामगार महामंडळाला निधी देण्यासाठी साखर कारखान्यांकडून ऊस गाळपानुसार प्रतिटन १० रुपये आकारून तेवढाच निधी शासनाकडून देण्यात येणार
- १०० शासकीय आदिवासी आश्रम शाळांचे मॉडेल निवासी शाळांमध्ये रूपांतरण करणार
- रायगड जिल्ह्यातील सुधागड तालुक्यातील जांभूळ पाडा येथे पथदर्शी तत्त्वावर कातकरी समाजाची एकात्मिक वसाहत स्थापन करणार
टिप्पण्या